Të rinjtë e Beogradit nderojnë viktimat e luftës në Kosovë

srbija-beograd-pretosti-protiv-zlovcina-i-rehabilitacije-zlocinaca-ajb-promo

Me sloganin “Shumë të rinj për ta kujtuar, vendosën për ta mos harruar” të rinjtë e Beogradit nga Nisma e të Rinjve për të Drejtat e Njeriut dhe Lëvizja Nisma Ime, do të marshojnë për gati 20 kilometra për të nderuar kështu viktimat civile të shkaktuara nga aksionet e ushtrisë dhe policisë serbe gjatë luftës në Kosovë.

Këtë të rinj do të ngrisin zërin për t’i thënë “Jo në emrin tonë!”.

Lexojeni të plotë njoftimin e të rinjve nga Beogradi

Nisma e të Rinjve për të Drejtat e Njeriut dhe Lëvizja Nisma Ime, të shtunën me 26 Mars në ora 12:00 do të organizojnë një ecje 20 kilometra të gjatë, nga sheshi i Republikës deri në Batajnicë, ku ndodhen poligonat e ushtrisë speciale anti- terroriste. Në vitin 2001, aty është zbuluar varreza masive ku janë gjetur 700 trupa të shqiptarëve nga Kosova, në mesin e tyre janë gjet edhe viktimat e krimeve në Suharekë.

Masakra në Suharekë është një ndër krimet më të rënda që kanë ndodhur në fillimet e intervenimeve të NATO-s. Dy ditë pas fillimit të intervenimit me 26 Mars në vitin 1999, pjestarët e Ministrisë së Punëve të Brendshme të Serbisë, kanë vendosur që t’i fusin fëmijët, gratë, dhe burrat mbrenda një lokal te picerisë “Kalabrija” ku edhe kanë hedhur dy bomba të dorës, pastaj kanë gjuajtur me armë automatike drejt atyre që i kanë mbijetur shpërthimit të bombave. Numri total i njerëzve që kanë humbur jetën është 48 persona, prej tyre 46 persona kanë qenë pjesë e familjes Berisha. Për këtë krim, Departamenti për Krime të Luftës në gjyq të lartë në Beograd ka dënuar katër pjesëtarët e Ministrisë së Punëve të Brendshme me shumë vjet dënimi në burg.

Ecja do të organizohet për të rikujtuar rolin e organeve shtetërore në krimet sistematike të cilat janë kryer në Kosovë si protestë kundër politikave shtetërore të cilat sot rehabilitojnë kriminelët e luftës. Mesazhin që duam t’a percjellim me këtë tubim publik është se nuk pranojmë që kriminelët e luftës dhe mizoritë sikur masakra ne Suharekë të thuhen se janë bërë në emrin tonë. Që Ministri i Drejtësisë Selaković mos të flas në emrin tonë kur thotë që krimineli i luftës Lazarević duhet të jetë “shembull për të rinjtë”, që Ministri i Mbrojtjës Gašić mos të flas në emrin tonë kur thotë që krimineli i luftës Lazarević “ka mbrojtur fuqishëm flamurin e Serbisë”, kur Ministri i Punës dhe i Veteranëve Vulin mos të flas në emrin tonë kur thotë që krimineli i luftës i cili është i denuar Lazarević është “krenaria e shtetit të Serbisë”.

Me këtë ecje , dergojmë mesazhin që kriminelët e luftës si Vladimir Lazarević dhe Nikola Šainović, të ciliët kanë gjetur sigurim dhe përkrahje nga ana e koalicionit qeveritar menjëherë pasi që kanë përfunduar dënimin e tyre për rolin të cilin e kanë pas gjatë krimeve të luftës, që flamuri i Serbisë në fakt është i zhytur në baltë dhe që ata janë turpi ma i madh i Serbisë. Duke shpall kriminelët në hero, qeveria aktuale e Serbisë na kthen në një periudhë të errët në të cilën gjenerata e të rinjve të Serbisë do të ballafaqohen me pasojat, kështu këta të rinjë do të duhen të luftojnë tërë kohën për të pasur një jetë normale.

Ejani të shtunen me 26 mars në ora 12:00 te sheshi i Republikës për të vazhduar deri në Batajnicë që të nderojmë më shumë se 8 mijë viktima civile të shkaktuara nga aksionet e ushtrisë dhe policisë serbe gjatë luftës në Kosovë, dhe së bashku të themi “Jo në emrin tonë!”

– See more at: http://www.kosovapress.com/sq/nacionale/te-rinjte-e-beogradit-nderojne-viktimat-e-luftes-ne-kosove-68034/#sthash.5LR0oEnf.dpuf