Arjanit Muriqi, la Malin e Zi iu bashkangjit përfaqësueses së Kosovës

arjanit-muriqi-1

Përfaqësuesja e Kosovës e ka bërë një hap të madh në rrafshin e përforcimeve për ndeshjet e ardhshme, duke filluar nga ato që do t’i zhvillojë në Ligën e Kombeve.

Bëhet fjalë për portierin 19-vjeçar Arjanit Muriqi, pjesë e Manchester Cityt, i cili në këtë fundjavë ishte portier rezervë i kampionit anglez, pas lëndimit të portierit të dytë të Cityt, Claudio Bravo.

 

Në fakt City e kishte huazuar portierin tek NAC Breda në Holandë, por vetëm një muaj qëndroi Muriqi atje për t’u rikthyer në Angli.

Muriqi iu bashkua Cityt në vitin 2016 nga gjiganti zviceran Grasshoppers dhe deri më tani ka mbrojtur për grupmoshat U18 dhe U23.

I gjatë 1,98 centimetra, Muriqi ishte pjesë e Kombëtares së Malit të Zi për U21. Ai pritet të jetë e Përfaqësueses së Kosovës për ndeshjen e 7 shtatorit, në Baku kundër Azerbajxhanit.

Përpjekjet e pareshtura të ish presidentit Fadil Vokrri e ku ishte i pranishëm edhe presidenti i tanishëm Agim Ademi bashkë me menaxherin Bajram Shala, për të sjellë futbollistë të ri e të talentuar në Kombëtaren A, u kurorëzuan me sukses.

Pas disa muajve të bisedave të frytshme sot portieri i Manchester City-t Arjanet Muriqi i tha po Kombëtares A të Kosovës. Duhet cekur se Arjaneti është portier 20 vjeçar me larësi 1.98 cm dhe luan për U-23 të Machester City dhe ka kontratë deri më 2021.

Në një bisedë telefonike babai i Arjanetit, z. Samir Muriqi duke shprehur kënaqësinë e tij dhe duke falënderuar krerët e FFK-së tha:” Jam shumë i lumtur që pas shumë bisedave që patëm me krerët e FFK-së dhe pas bashkëbisedimit me djalin tim Arjanetin, vendosi që të i bashkohet Kosovës përkatësisht Kombëtares A. Arjaneti ishte pjesë e Kombëtares malazeze natyrisht për të rinjtë, por ai dhe unë si baba vendosë të i themi po Kosovës e të i bashkohemi trungut tonë të cilit i takojmë. Besojë se Arjaniti do të japë kontributin e tij dhe se Kosova ka fituar një portier me perspektivë. Të kuptohemi ne nuk po e tradhtojmë as Malin e Zi por ata nuk kanë qenë të gatshëm të i gjejnë një vend në Kombëtaren A, kësisoj ne bëmë zgjedhjen e duhur. Unë besojë se Kosova ka një të ardhme të ndritur e që shpresojë që edhe Arjaneti të jetë pjesë e këtij suksesi dhe urojë gjithë të mirat”. Ndërkaq, presidenti i tanishëm i FFK-së z. Agim Ademi, i cili ishte pjesë e bisedimeve me Arajnetin, për ardhjen e tij u shpreh:” Me vjen mirë që pas shumë muajve bisedimeve që patëm me këtë futbollist të ri e shumë talentuar arritëm mirëkuptim që të na bashkohet në rrugëtimin tonë për Ligën e Kombeve. Ne nuk do të ndalemi por do të kërkojmë edhe futbollistë tjerë që luajnë nëpër Evropë, por shtabi teknik i Kombëtares A do të vëzhgojë edhe futbollistët nga Ipko Superliga e Kosovës”. Nga ana tij, menaxheri Bajram Shala me këtë rast tha:” Ne kemi qenë në kontakt me Arjanetin që disa muaj, nëpërmjet Zekrija Shabanit që vepron në Zvicër dhe ka ndihmuar në çështjen e tij. Madje edhe tashmë presidenti i ndjerë Vokrri dhe presidenti i tanishëm Agim Ademi, patën takim me Arjanetin dhe babanë e tij, kështu që interesimi ynë për të nuk është i tanishëm. Përveç  tij së shpejti presim të afrohen edhe disa futbollistë të rinj që janë në vende të ndryshme në Evropë”.

Arijanet Muriqi

Edhe ndihmësi i përzgjedhësit Chalandes z. Ramush Gashi është shprehur i kënaqur  me ardhjen  e Arjanetit duke thënë se Kosova ngadalë po forcon radhët e veta për të qenë një Kombëtare respektabile.