Sipas mediave serbe, përcjell Telegrafi, ka qenë ministri i Administratës Publike dhe Vetëqeverisjes Lokale, Branko Ruzhiq që ka thënë se bëhet fjalë për një rast të abuzimit të një institucioni dhe si rezultat do të dërgojë një inspektim nga juridiksioni i ministrisë.

Ugljanin: Duam të përfshihemi në bisedime për Veriun e KosovësUgljanin: Duam të përfshihemi në bisedime për Veriun e Kosovës

“Në vend të punës që është në kompetencë të Këshillit Kombëtar, ata vazhdojnë të përdorin këtë vend për të tërhequr vëmendjen politike”, citohet të ketë thënë Ruzhiq.

“Kjo mund jo vetëm që del jashtë fushëveprimit të punës së Këshillit Kombëtar, por abuzimi i një institucioni, puna e të cilit është financuar nga paratë e të gjithë qytetarëve”, citohet të ketë thënë tutje.

Ugljanin: Kosova çështje e zgjidhur, Serbia ka regjimUgljanin: Kosova çështje e zgjidhur, Serbia ka regjim

“Ministria me siguri do të reagojë duke dërguar një inspektim të juridiksionit tonë, dhe unë besoj se autoritetet e tjera, duke përfshirë prokurorinë për të demonstruar vëmendje në rritje në lidhje me këtë rast”, tha ministri Ruzhiq.

Ndërsa kryetari i Këshillit Kombëtar të Boshnjakëve, Esat Xhuxha, sipas “Politika”, ka thënë se nuk di asgjë zyrtare për kërkesën dhe se letra ishte rezultat i përpjekjeve të një grupi të këshilltarëve të Komitetit Ekzekutiv, nga “Vetëvendosja” e Selejman Ugljanin, por beson se kjo organi kompetent duhet të merr në konsideratë çështje si statusi i boshnjakëve dhe i Sanxhakut. /Telegrafi/