Shpërthimi i Luftës ballkanike në vitin 1912, ( e drejtuar nga Serbia, Greqia dhe Bullgaria aleate të Rusisë, që ushqeheshin nga nacionalizmi i skajshëm serb), kishte për qëllim ndarjen e tokave shqiptare. Vilajeti i Kosovës ishte dhuratë për Sebinë, e dhuruar nga fuqitë e mëdha, e cila filloi planet për zhdukjen e shqiptarëve.
Duke përfituar tokat e shqiptarëve , Serbia zgjeroi me 682% tokë dhe 55 % me popullsi(J Osmani).Gjatë viteve 1912 -1914, u vranë 26.000 shqiptarë dhe u burgosën 21 000 të tjerë. U dëbuan për Turqi rreth 500 000 shqiptarë. Ndërsa në vitin 1915 edhe 120 000 të tjerë., e që u zavensuan me 26000 serb e malazezë.( H. Bajrami).
Por dëshmitë që na sjellë Leo Freudlich, janë të tmerrshme.
“ Mijëra burra, gra, pleq e fëmijë të vrarë, të mbytur e therur. Fshatra të djegura dhe shtëpi të plaçkitura. Gra dhe vajza të trajtuara në mënyra çnjerëzore. Një vend i shkretuar, i plaçkitur i larë në gjak e turpëruar, dëshmon se serbët në Shqipëri nuk hynë si çlirimtarë, por si vrasës të shqiptarëve… Fshatra të panumërta u rrafshuan, u masakruan njerëz në masë në mënyrë shtazarake. Vendi , ku gjeneratat e zellshme të shqiptarëve të varfër krijuan atdheun e tyre, u shndërruan në grumbuj gërmadhash. Një popull i tërë u kryqëzua me gjak dhe Evropa hesht…” ( Leo Freudlich, Vjenë 1913).