“Çdo gjë që ndodhë njëherë, mund të mos përsëritet më. Por, çdo gjë që ndodhë dy herë, me siguri do të ndodhë edhe të tretën…!” Kjo thënie e shkrimtarit të njohur të përmasave botërore dhe nobelistit Paulo Coelho, sikur është përgjigja më e mirë atyre që me zor duan të na fusin në vallen e vet, të besimit se kjo qeveri kësaj radhe nuk do të mashtrojë. Ne nuk ua ndalojmë që ata të besojnë edhe tutje, por kërkojmë që të mos mundohen të na bëjnë që edhe ne të besojmë dhe që të mos i tregojmë arsyet e mosbesimit.
Reagimi i Nikë Gjeloshit në qendrimet e LD-së, lidhur me mashtrimin më të ri të Qevrerisë së Malit të Zi (sikur të ishte zëllënësi i sajë), është i nivelit të pritur, i njëjtë me atë që pati dikur, aso kohe kur ne ia kundërshtuam projektin e tij të preferuar, Tuzi-Komunë e Kryeqytetit, të shpikur në bashkëpunim me, Maroviqin. Besojmë se qytetarëve u kujtohet teksti “Fushat e minuara të politikës” dhe fyerjet e Nik Gjeloshit dhe grupit të tij politik, drejtuar kundërshtarëve të këtij projektit. Edhe pse ata më vonë ndjekën qendrimin tonë, për çka së paku do të duhej të na ishin mirënjohës, kjo nuk i pëngon të provojnë të manipulojnë përsëri, dhe në njënën anë të promovojnë mashtrimin e ri, por për çdo rast edhe të marrin pjesë në jetësimin e statusit të komunës së kryeqytetit, duke qenë anëtarë të komisionit për statutin e ri. Por, kështu e kanë ata të cilët janë mësuar që të pshtyjnë sot, e të lëpinjnë neser, apo edhe anasjelltas.
Nika na përkujton 30 vitet e pritjes, që faktikisht i pritem së bashku, me një devijim të Gjeloshajt, kur ai promovoi regjionet, me çka edhe dëmtoi projektin e komunës, që aso kohe ishte më afër se sot. Pra, Nika me shokë, edhe aso kohe e minoi projektin e komunës, e që sot, përgjegjësinë për këto 30 vite pritjeje tenton t’ia ngarkojë dikujt tjetër. Megjithatë, shihet qartë tentativa për shtrembërim, sepse në tekstin tonë bëhet fjalë për pritje tash gadi një shekull, e jo çerek, aq sa mban mend Nika. Kështu, zotërinjtë shpesh po marrin përgjegjësinë që nuk u takon, se nuk janë aq të mëdhenj sa u duket vetja, duke tentuar që përgjegjësinë për dështime, me paturpësi t’ia lënë tjetrit. Madje edhe atyre, të cilët me kohë u kishin tërhequr vërejtjen për eksperimentet e tyre në dëm të . Nuk e di se si do ta arsyetojnë kësaj radhe, kur qeveria t’i bien mohit projekcionit të bërë sot, për pas 20 muajësh. Kësaj radhe edhe vet Nika, disesi turpshëm e pranon 01 shtatorin 2018, si datë e fillimit të implementimit. Pra të fillimit! A ka ndodhur ndonjëherë deri më sot që qeveria të sjell një akt që do të implementohet pas dy viteve, apo që t’ia imponojë parlamentit se kur do të implementohet? Jo zotërinjë! Prandaj, themi se me përkrahje bëheni bashkëmashtrues dhe manipulues! Por kjo nuk është asgjë e re për Nikën. Ata po marrin përgjegjësi në emër të banorëve të Malësisë, edhepse nuk kanë më se 300 vota, kurse ne, si subjekti më i fortë individual, do të vazhdojmë t’i kritikojmë, jo për t’ua marrë, e as zvogëluar meritat, por për arsye se ajo është puna e opozitës së mirëfilltë. Është punë e atyre që nuk u besojnë mashtruesve, e kjo qeveri besoj se pajtohemi, është eksperte për këtë punë. Madje, kjo lloj qasjeje do të duhej të ishte obligim i të gjithë neve që në Malësi na errë nata dhe na çel drita, ku natyrisht se nuk bënë pjesë Nika.
Nika reagoi ashpër, edhe pse në tekstin tonë gjeti vetëm një defekt “manipulues”; nenin 16, i cili më në fund është tejet irelevant për materien. Ishte më tepër si kuriozitet i (pa)seriozitetit të qeverisë, e që këtë (pa)seriozitet e dëshmon edhe përmes faktit se të dhënat ne i muarëm aty ku informohet krejt bota, ku do të duhej të jenë ligjet valide, në web-faqen e Qeverisë dhe në Fletën zyrtare (shih foton më poshtë, ku me të gjelbër shkruan vazeci-valid). Pra, neni 16 ndoshta është një defekt, por shumë i parëndësishëm, krahas manipulimeve të tjera, të cilat përmes tij ai tenton t’i mbulojë, si psh, kushtet për formimin e komunave të reja, afatin e realizimt të komunës së plotë, fatin e Ligjit mbi kryeqytetin, me atë se çka do të ndodhë nëse megjithatë mashtrojnë etj. Pra, ata mund të vazhdojnë të bashkë-mashtrojnë, por të mos presin se do t’u besojmë, e as se do të heshtim. E se e cila politikë i takon së kaluarës, tek do të shohim!
Dhe më në fund, pse lodhet Nika, nëse do të bëhet ashtu siç thotë ai. Ç’është ky nervozizëm, sikur të ishte në fushatë parazgjedhore. Madje me të njëjtin fjalor! Mosbesimi ynë ndaj projektit, s’do të thotë fyerje, as marrje meritash, por nxitje dhe ndihmë. Ne vetem po bëjmë punën tonë nxitëse, për të përmirësuar pozicionet e atyre që janë në gjendje të veprojnë. As s’po fyejmë e as s’do t’i fyejmë kë, sepse nuk e kemi zakonë të pshtyjmë e të lëpijmë si ata, por çështjet duhet quajtur me emrin e vet; sepse dhelpra dhe luani kanë dallim. Regjionet, komuna e kryeqytetit, e tash “komuna në pritje”, shkatërrimi i ASH-së, grabitja e mandatit, votimi për qeveri, “gratis” dhe pozicionimi, me çdo kusht, në anën e fituesit, të fortit, siç thot kryetari i tij, e që shënojnë të kaluarën politike të z. Gjeloshaj, nuk i japin tepër kredi para qytetarëve për t’i besuar, as për ta trajtuar si luan, siç dëshiron, por e radhisin në anën e dhelprës. E qytetarët besoj se më tepër preferojnë bishtin e luanit, se sa kokën e dhelpërs…
Për LD, N. Camaj