Nga 28. 11. 1944 deri më 21. 1. 1945 autoritetet komuniste likuiduan mbi 2.000 qytetarë të respektuar të Jeni Pazarit, Sjenicës dhe Tutinit, dhe i i varrosën në Vakëf in “Mearif” në Haxhet, sot lagje e Jeni Pazarit.
Për ta mbrojtur vakufin dhe vendin e viktimizimit të paraardhësit e tyre, sanxhaklinjtë të udhëhequr nga udhëheqësit e bashkësisë islame, më 4 shtator 2010 u përleshën me pjesëtarët e njësive speciale të policisë serbe.
Kjo është arsyeja pse kjo datë u shpall ditë e kujtimit dhe lutjeve për viktimat e pafajshme në Haxhet të qytetarëve më të çmuar të Sanxhakut
Bashkësia Islame në Serbi dhe Bashkësia Kulturore Boshnjake organizon tradicionalisht marshimin në Haxhet dhe një lutje për të rënët.
Marshimi fillon nga Sheshi Gazi Isa beut në Jeni Pazar deri te Vakufi Mearif që në Haxhet të dielën më 4 shtator 2016.
Tubimi do të fillojë në Sheshin pas namazit të mesditës në orën 13:30.
Ju ftojmë familjet dhe fqinjët e juaj, edhe me këtë 4 shtator së bashku të marshojmë rrugëve të Jeni Pazarit deri tek vendi i ekzekutimit në Haxhet të paraardhësve tanë, dhe së bashku me udhëheqësit tanë fetarë dhe kombëtare të lexojmë lutje për dëshmorët.
Të përkujtojmë se pas depërtimit të forcave partizane-jugosllave në këto treva, prijësi kryesor i kësaj treve Aqif Efendi Blyta iu dorëzua organeve të pushtetit partizan në Gjakovë, të cilët e çuan në Pazarin e Ri dhe mbas torturave mizore, bashkë me bashkëpunëtorin e tij më të ngushtë Ahmet Dacën me tre djemtë e tij u pushkatuan në Haxhet (pra në lagjen e sotme të Pazarit të Ri) me 21 janar 1945 nga OZN-a jugosllave.
Në shenjë përkujtimi dhe falënderimi për veprën dhe heroizmin e Aqif Blytës dhe bashkëpunëtorëve të tij, mandej vullnetarëve shqiptarë nga Kosova në krye me Shaban Polluzhën, Mulla Zekë Bërdynën , Sak Fazlinë etj., delegacioni i organizatës “ Kosova për Sanxhaku “ do të jetë pjesëmarrës në këtë manifestim përkujtimor.