Për herë të parë në këto dy deceniet që lamë pas, LDK – Dega në Gjermani dhe shoqata kulturore “Sali Çekaj” ka organizuar një tryezë të rrumbullakët për çështje e Sanxhakut dhe çështjes shqiptare atje.
Tubim madhështor në Mynih të Gjermanisë i organizuar për nderë të kryetarit të PAD- it , Z. Sulejman Uglanin nga Sanxhaku dhe veprës historike të Ismet Azizit kushtuar Kolosit të Sanxhakut Aqif Blytës
Për herë të parë në këto dy deceniet që lamë pas, LDK – Dega në Gjermani dhe shoqata kulturore “Sali Çekaj” ka organizuar një tryezë të rrumbullakët për çështje e Sanxhakut dhe çështjes shqiptare atje.
Kryetari i PAD-it (SDA) të Sanxhakut dr. Sulejman Ugljanin në Mynih prezantoi konceptin e vendosjes së një statusit special për Sanxhakun si një entitet politik territorial me qytetarë dhe popuj të barabartë.
Sulejman Uglanin u ka bëri thirrje të gjithë të pranishmëve që ta mbështesin këtë status , siç theksoi ai, këtë kërkesë të ligjshme për të ardhmen e Sanxhakut. “Statusi special në këtë formë parashikon krijimin e institucioneve dhe mekanizmave të tjerë efektivë që do të garantojnë siguri për terrori dhe do të parandaloj shtetin serb dhe krimet e tjera kundër boshnjakëve dhe shqiptarëve në Sanxhak dhe nuk do të përsëriten kurrë”, tha Uglanin. Uglanin definoj konkretisht çështjen e zgjidhjes së statusit të Sanxhakut të parashtruara në nëntë pika bazë ,si koncept për krijimin e bashkëpunimit afatgjatë midis qytetarëve dhe popujve autokton në Sanxhak dhe diasporën e tyre në Gjermani dhe vendet e tjera të Evropës e Amerikës. Përveç liderit të PAD-it ( SDA) për Sanxhak Sulejman Uglanin, në panel morën pjesë edhe gazetari i Top Chanel nga Tirana Marin Mema, kryetari i shoqatës “Kosovës për Sanxhakun” Ismet Azizi dhe përfaqësues të organizatës nga Sanxhaku Jugor , gjithashtu nënkryetari Ali Daci dhe Haxhi Lajqi. Tribunën e udhëhoqi kryetari i Lidhjes Demokratike të Kosovës (LDK) për Gjermaninë Osman Ferizi. Kësaj tribune i parapriu një program kulturor shume orësh i nxënësve të shkollave fillore dhe të mesme në gjuhën shqipe në Diasporë nga mërgimtaret e Sanxhakut dhe të Kosovës, kushtuar 7 Marsit – Ditës së Mësuesit. Nga qarqet politike në Novi Pazar, të afërta me pushtetin qendror në Beograd, por edhe mjetet informative në Serbi, pjesëmarrjen e Dr. Sulejman Uglanin në këtë tribunë në Mynih, u komentua dhe po vazhdon të komentohet si “tjetërsim i boshnjakëve të Sanxhakut dhe shkrirje e tyre në korpusin kombëtarë shqiptarë”. Uglanin përmes medieve sociale njoftoi se takimi kishte të bënte me Sanxhakun, statusin special për Sanxhakun, Boshnjakët, Shqiptarët, Aqif Effendi Blytën, nacionalizmin serbomadh, problemet dhe çështjet e pazgjidhura të qytetarëve të Sanxhakut.
“Ne presim që Sanxhakut t’i kushtohet shumë më tepër vëmendje në ditët në vazhdim. Duke paraqitur fakte për popujt e rajonit të Sanxhakut, udhëheqësi i tribunës Z: Osman Ferizi ua mundësoj të pranishmëve, e që ishin në numër të madh, të marrin pjesë aktive në këtë ngjarje duke shtruar pyetje rreth çështjes së Sanxhakut, statusit të të sanxhaklinjve dhe të drejtat e tyre nën Serbi. Në pyetjet e shumta u përgjigj Z. Sulejman Uglanin, gazetari Marin Mema, Mr. Ismet Azizi dhe Ali Daci ku u dhanë sqarime të shumta dhe propozime për të ardhmen. Duke vlerësuar larë organizimin dhe interesimin e mërgimtarëve Z. Sulejman Uglanin në vazhdimësi sqaroj se çfarë është Sanxhaku, ku ndodhet ai territor, sipërfaqja dhe kufijtë. Sanxhaku i N. Pazarit deri në vitin 1878. ishte brenda Shtetit të Bosnjës. Gjuha zyrtare ishte gjuha bosniane, përkatësisht boshnjake. Në Kongresin e Berlinit në 1878, Sanxhaku i N. Pazarit u nda nga Bosnja si Separatum Corpus me kufij ndërkombëtarë të përcaktuar midis Serbisë dhe Malit të Zi, të cilët u njohën atëherë. Koncepti për krijimin e një bashkëpunimi afatgjatë midis qytetarëve dhe popujve Autokton të Sanxhakut dhe me diasporën e tyre , ai e ndau në nëntë ( 9) pika strategjike të zgjidhjes së çështje së Sanxhaku , siç vijon :
- Përkrahja për Statusin special. Të legalizojnë e drejta e kthimit të shqiptarëve dhe boshnjakëve autoktonë në Sanxhak.
- Përkrahja e Organizatën “ Kosovës për Sanxhakun”.
- Hapja e Programeve të studimore për Sanxhakun në Universitetet e Shqipërisë , Kosovës, B dhe H dhe vendet e tjera fqinje.
- Financimi i studimeve Master dhe Doktoratë për Sanxhakun.
- Financimi i Ekskursioneve për studentët nga Sanxhaku në Shqipëri, Kosovë, B dhe H dhe vendet tjera fqinje.
- Financimi i Letërsisë, Teatrit dhe Filmit për Sanxhakun.
- Vendosja e bashkëpunimit familjar dhe martesave.
- Vendosja e Korridorit Ekonomik të Sanxhakut dhe Kosovës.
- Bashkëpunimi kulturor e arsimor
Pikat e rekomanduara nga Z. UGLANIN u mbeshteten plotësisht nga pjesmarresit e këtij takimi .
/Ismet Azizi/